Site Feedback

قصة بالداريجة المغربية

 

ليلى و حبيبة و صفاء و سمية اربعة صديقات مقربات بزاف نقولو خواتات كيتبادلوا الزيارات و كل مرة عند وحدة و اليوما راهم مجتمعين عند حبيبة

حبيبة سيدة فالاربعين من عمرها الجمال غزالة و زايداها بالكرم و حلاوة اللسان و الطيبة صراحة امراة و نعم النساء ماتعابش و قلبك يطير لها و يرتاح لها من اول لقاء .

سمية فالتلاتينيات من عمرها ربة بيت و لكن المشهورة فالجماعة بالحداكة و التاويل و قلة الزهر الشكل ديالها مقبول سميمرة و لكن واحد الخالة تحطات لها فوق الفم كتعطيها واحد السر و كيف يقولو حيد الزين و خلي المسرار يدوز.

اما لالة صفاء فهدي الكلون ديال الجماعة الضحك و النشاط و مع اللكنة المراكشية اللي تخلطات بالبيضاوية بحكم الاقامة و اعطات واحد المزيج غير الله يستر و خلاص.

هادو كلهم ربات بيوت اما ليلى فهي طبيبة ملتزمة و معقولة تجاوزت الاربعين و كتعطيها الى شفتيها اكتر من سنها الله اعلم اش شيبها القراية و لا العمل و لا ..........

ايوا اراليك ديك الصنية ديال اتاي المشحر المنعنع باليقامة المراكشية و واحد الطبسيل دالطوس عامر مسمن مدهون بالزبدة و العسل الحر من يديد لالة سمية اما مولات الدار حبيبة فموجدة ليك واحد لالة مولاتي الكيكة طبيبزة فحال مولاتها
ايوا صفاء و ليلى جايبين غير الحليب هاد المرة

-حبيبة :تبارك الله على الحادكة ياختي هاد سمية كيف كتدير لهاد المسمن
-ليلى: البغرير تبارك الله كتخلطو غير بالضحك انا مانخلي والماس مانخلي بيض مانخلي دانون دبما معجن

- صفاء : كلشي الا كيكة حبيبةناكلو و نديو لديورنا و يشيط الخير و كلشي هادشي ب4 البيضات

-حبيبة : ايوا راهم 4 البيضاتتتتتت و 2 يدين و الخلاط يدوي ماقال لا un deux troix لاalphabet

- صفاء : وا باز احبيبة ديما ضاحكة واخا كامل هاد المشاكل اللي عندك شابو
-حبيبة : اودي غير خلي داك الجمل راكد الى مادرتش هاكدا نطرطق نكب اتاي احسن وا مرحبا الدار داركم المسمن غادي يبرد

-ليلى : اجيو كل وحدة تحكي لنا حكايتها من طقطق تا السلام عليكم اش بان لكم

الكل و اللهيلا فكرة نتفكرو اللزي مزا

-صفاء انا نبدااااااااااااااا

Share:

Comments

السلام يوسف. اللهجة المغربية حلوة و مستساغة حتى أني فهمت أغلب ما جاء في قصتك الطريفة من مفردات و عبارات ولعل مرد دلك انني من منطقة المغرب العربي. و لكن لقد شوقتنا الى بقية القصة يا يوسف. فهل أنك ستطلعنا على بقيتها أمن أنك ستكتفي بهدا القدر؟ على كل حال أنا أتطلع الى معرفة البقية :) تحياتي.

 

 

بالطبع ما زلت أنقل القصة لأحولها إلى لكنتي المراكشية التي يحبها جميع المغاربة لاحتوائها على كلمات وعبر قيمة وحتى أسلوب الكلام كأنك تنسج شعرا.

سأكمل القصة إن شاء الله

Add a comment