Site Feedback

قصة بالداريجة المغربية الحلقة الثانية

 

صفاء: كتنهد اللله ياربي على كية الحب الله
الكل يضحك اتينا بما عندك الالة مولاتي
صفاء: عقلتو على جميل و بتينة ايوا انا كنت بتينة و عزيز كان جميل
سمية : اهاه سيررري
صفاء : تسترسل والله العظيم بكترة الحب اللي كان بيناتنا ماكناش نتفارقو مع العلم اننا كنا غير ففيلاج و كلام الناس مايقيلوكش واخا ماعرفت اش تديري و لكن انا كنت ني با لا مامسوقة لحد و عرفتو راه كنت برهوشة مزال عندي 12 عام منين عرفت عزيز و هو العقل هو الروح الطولة و التجريدة و الزين و العينين كبار و الرومانسية اللله انا كنت فالابتدائ و هو فالسنكيام كان بكتب لي رسائل و مع كان مجتهد التعبير واعر عليا شي نفهمو شي....
ليلى : شي يشرحو ليك با كوكل ههههه
صفاء: اتي نوضي فين كان شي كوكل اللي مافهمتو نحس بيه
سمية: هادشي مجهاد عندك افقيهك صحيح ابا عزوز كملي
حبيبة: و بلاتي موراها تجيكم قصتي انا وروميو ديالي و تشوفو التمجهيد ديال بصح
صفاء: توما كولو و سكتو و انا نهضر
الجميع الصمد اللمط
صفاء: تسترسل المهم ولو كنت صغيرة كان شعور برئ صادق عرفتو كنت نشوفو يبدا قلبي يغني اغنية من دوك الهنديات ديال زمان دالسينما و هو تاهو يشوفني يطير عندي الحاصول ايااام الهوى واحنا سوى ههههههه
ليلى: ايواا
-صفاء: بقينا 3 سنين و الحب بنغشش فالنغاشيش و كان داك العام يشد الباك وانا انقطعت على القراية كنت نيت شوية مكيلخة بلا كدوب واحد النهار جا با جايب معاه عريس ولد صاحبو استاد فالدار البيضا بكيت غوت حيحت والووو من عزيز مانخلق و الدري جا لدارنا و قال لبا غير فرصة نشد الباك و ناخدها و با والوو بنتي غادة تاخد ولد المعطي
علاش اسيدي ربي واش با ماكيحملنيش علاش يفرقنيي على هاد السيد اللي مين عرفت معنى حب كان ليه علاش
بكيت غوت الاضراب على الماكلة ....ولكن شكون سمعك
حبيبة: ايوا واشنو درتي
الراوي: وايوا باين لينا قصة صفاء غادية اوكانطوال نخيلوكم ترتاحو ونكملوا خَبِّرْتْنَا نهار آخر

Share:

Comments

 

هههه السلام عليكم يا نريم

لا عليك مع المدة ستتعودين، ما زلت أنسج الأحداث وإن شاء الله سأكتب الحلقة الثالثة كوني في الإنتظار

Add a comment