توۋا دەيمەن

توۋا دەيمەن، ھازىرغىچە بۇ تور بىكىتىدە جىق بولمىسىمۇ بىر قانچە پارچە ماقالە يېزىپ ئېلان قىلىپ بېقىپتىمەن ،ئەمما ئۆزەمنىڭ ئانا تىلىم بولغان ئۇيغۇر تىلىدا ماقالە يېزىپ باقماپتىمەن. گەرچە ئۆز ئانا تىلىمنى پىششىق بىلسەممۇ، بۇ تور بېكىتگە باشقا تىللارنى مەشىق قىلىش مەقسىتىدە چىقساممۇ،لىكىن ئانا تىلىمدا ماقالە يازسام نىمە بوپتۇ ؟ ئانا تىلىمدا ماقالە يېزىپ ئۇيغۇر تىلىنى باشقا كىشلەرگە كۆرسەتسەم نىمە بوپتۇ ؟
بىر قانچە كۈن ئىلگىرى توردا ئۇيغۇر تىلىنى بىر قىسىم ئورۇنلاردا ئشىلىتىشنى ئەمەلدىن قالدۇرماقچى بولغانلىقى توغىرسىدا بىر نىمىلەرنى كۆرگەن ئىدىم ،بەلكىم ھازىر قوش تىللىق بولۇپ كەتكەچكە ، بەزىلىرىمىز باشقا تىللارنى ئۆگنىشكە بەك كۈچەپ كېتىپ ئۇيغۇر تىلىغا سەل قاراپ ،ئۇيغۇر تىلىنىىڭ ئىشلىتىلىش نىسپىتىنىڭ تۆۋەن بولشىنى كەلتۈرۈپ چىقارغاندىمىز.
مەن بىر قانچە مىنۇت ئىلگىرى بىر ماقالە ئېلان قىلىپ بولغاندىن كىيىن ئۆزەمنىڭ ئانا تىلىمدا ماقالە ئېلان قىلىپ باقمىغانلىقىمنى بايقاپ ،شۇ زامان بىر ئۇيغۇرچە ماقالە يازماقچى بولدۇم-دە ،بۇنى يازدىم ھەم يېزىپ ئولتۇرماقتىمەن.
گەرچە ئۆز ئانا تىلىمدا يازغان يازمام شۇنچىلىك ئاددى بولسىمۇ ،ئۇيغۇر تىلىدا ماقالە ئېلان قىلشىم كېرەكلىكىنى كىيىنراق بايقىغان بولساممۇ، لىكىن بۇنى يازغانلىقىمدىن ناھايتى خوشالمەن.
قېرىنداشلار، باشقا تىللارنى ئۆگنىش بىلەن بىر ۋاقىتتا ئۆز ئانا تىلىمىزغىمۇ ئەھمىيەت بىرىپ قويايلى.