Site Feedback

قصة بالداريجة المغربية لمحبي هذه اللكنة الجزء الأول

 

كانْ يا ما كان، والكونْ ما لكو الرّحمان، حتى كان لحبق والسّوسان، ونصلـّيوْ على نبينا العدنان..

يا سادة ياكرام

فهاذ المرّة غادي نحكي لكمْ حكاية غريبة/ / مفهومة ماشي صعيبة/والجلسة معاكم
كلها طيبة ../كان فشي وقت من لـَوقات/ تتعيش واحد العائلة فيها غير لبناتْ/ تلاثة شقيقات/ والرّابعة ربيبة/ كان باهم تيعاملهمْ مُعاملة وحدة/ ما كاينْ فرقْ من بين البكرة ولآ الصغيرة/كلّ وحدة عندو أميرة/ إلا مّهم دايره فرق كبير مابين بناتها اللي من كرشها/ وربيبتها اللـّي فعقلها ما دخلتها/ من كبرات ووعات/ هي اللـي تتقضي وتنضي/ ومن تفضي تجلس على الغرزة الطرز ولا تخيط/ ومنين عليها تعيّطْ / توجدها قدّامها تترعّدْ من الخوفْْ/ سرّها ديما مقدوف/ وبّاها غير تيشوفْ/ عْيا بلحلوف وغير تيحنتْ/ وهي بتمارة التطحنتْ/ وْعادْ كلفتها يوميا تعجن خبزة الكلّ واحد فيهمْ/ وخبزة الأم تكون وافية شويّة عليهم/ تعجن وتعاين حتى تخمر وتجمع لعواد وتحمي الفران وتطرح وتفرّق/ وتحضي القدرة على الكانون تحرك وتمرّق/ وتحلب وتمخضْ اللبن/ جهدها تدفن فذيكْ الدّار/ وفواحدْ النهارْ مْع الزربة والخلعة والتـّلفة/ نساتْ ونبْزات من خبزة مرْت بّاها اللـّي يمّراتها/ قالت ليها يامّي حيثْ هي اللي ربّاتها/
راهْ نسيتْ وبلا ما نشعرْ/ حصلْ هاذْ لأمرْ/ ويلا بغيتي نمشي ندبّرْ على خبزة فقياسْ خبزتكْ/ ما في ما نهزّ قرصتكْ وضربتكْ/
قالتْ ليها والو من خْبزتي نخلاقْ
من تأليف محمد الراشق/
التتمة في المرة القادمة إن شاء الله
reading: http://vocaroo.com/i/s0NP1roVyHuX
I will try to make the translation of that story for learners "Insha Allah".

Share:

 

4 comments

    Please enter between 0 and 2000 characters.

     

    Corrections

    No corrections have been written yet. Please write a correction!

    Write a correction

    Please enter between 25 and 8000 characters.

     

    More notebook entries written in Arabic

    Show More