我是来推广上海言话个正字个
我想搭㑚讲一讲上海闲话个正字个,侬要晓得阿拉上海闲话侪是能够写出来个,现在个人只晓得粤语好写,弗晓得阿拉吴语也是有书面语个!古代个辰光,江南也是出才子个地方,哪恁呒没书面语弗啦?譬如勒清朝个辰光就有《海上花列传》,侪是用北部吴语写个,古香古色个。再譬如众所周知个成语“煞有介事”,也是正宗个上海闲话。今朝,有点人为仔铜钿为仔发展,侪讲普通闲话,有点小囝讲弗来,因为伊拉个爷娘勒伊拉小辰光弗讲吴语。弗晓得箇个吴语是搭官话一样个语言,也是存古交关个语言。伊个浊辅音、入声是普通闲话里向侪呒没个!浊塞音声母就算是存古交关个粤语也是呒没个!介美丽个物事一定要传承下去!写正字势在必行,讲阿拉江南雅言更弗用讲!土话弗土,雅言弗哑,为母语个生存,华夏雅音个传承努力!
简单吴语上海话个正字普及(先吴语字后普通话字):
我(俗字“吾”)---------我
侬--------------你
伊---------------它他她,本字“渠/佢”,同粤语
阿拉(阿此处为俗字,其实本字是“我”,音变后为阿)-------------我们
㑚------------------你们 (普通话音:nuo)
伊拉--------------------TA们
弗(俗字作“勿”)---------不
甮-----------------------不用
朆-----------------------不曾
覅----------------------不要
箇(俗字作搿,本字是“个”,起源:“白发似个长”)----------这
迭-----------------------------这
个(俗字作嗰,嘅,本字也是“个”)----------------的,地,个
辰光----------------------时间;时候
伐(实际上是口字旁+伐)-----------------吗
物事--------------------------东西
呒(俗字唔)---------------无,没
铜钿--------------------------钱
侪---------------------都
闲话(或作言话)----------语言,话
介-----------------------------这么,这样