一路。。。

繁體：
晏界調楚門迲，屋裏調出個時候已經兩點多噢。路裏意思頭顯。
楚門個二路車停噢，吾乘清港車過。上車噢，吾講：“sae niae teu men deu。”,撥渠五塊。渠問吾：“哪裏？”吾咦講一遍：“sae niae teu men deu。”渠得嗰曉弗得樣個，過一朞問吾：“你到哪兒？我沒聽清楚。”吾後髖一個老倌人幫吾講：“sae niae teu men deu。”渠還是曉弗得，吾啊曉弗得怎兒裝。搿個地名吾啊講弗來。嘸辦法，吾講：“醫院沒到。。。”該朞嘸告噢。
來路裏，一個女個挹上車，渠問：“醫院馺了到伐？”售票員肯定咦聽弗懂。車上一個搿小人個女個講：“馺了到。醫院能開到。”……介個女人搭渠個小人一直來埭講普通話。
唉，推普，吾個母語怎兒裝裝？

简体：
晏界调楚门迲，屋里调出个时候已经两点多噢。路里意思头显。
楚门个二路车停噢，吾乘清港车过。上车噢，吾讲：“sae niae teu men deu。”,拨渠五块。渠问吾：“哪里？”吾咦讲一遍：“sae niae teu men deu。”渠得嗰晓弗得样个，过一朞问吾：“你到哪儿？我没听清楚。”吾后髋一个老倌人帮吾讲：“sae niae teu men deu。”渠还是晓弗得，吾啊晓弗得怎儿装。搿个地名吾啊讲弗来。呒办法，吾讲：“医院没到。。。”该朞呒告噢。
来路里，一个女个挹上车，渠问：“医院馺了到伐？”售票员肯定咦听弗懂。车上一个搿小人个女个讲：“馺了到。医院能开到。”……介个女人搭渠个小人一直来埭讲普通话。
唉，推普，吾个母语怎儿装装？