Kiriman Partamo Assalamualaikum, namo ambo Iis Sri Astuti. Dunsanak buliah maimbau ambo iis, tapi kok payah manyabuikan panggia se ambo Isa. Umua ambo 25 (duo puluah limo) tahun. Kini ambo karajo di perusahaan di jakarta. Ambo dari kampuang nan rancak bana di sumatra barat. Mungkin dunsanak alah tau jo pulau mentawai. Ha, ambo dakek dari pulau tu mah. Di kampuang ambo tu, awak bisa mancaliak matoari tabanam tiok ari. Kampuang ambo bapaga lauik di baraik jo bapaga bukik di timua. Ampiang tiok sore, duo atau tigo kali ujan turun, kok baruntuang dunsanak dapek mancaliak pelangi sabalun matoari tabanam. Iko kiriman partamo ambo di Italki. Ambo sanang baraja bahaso inggris jo japang. Ambo baharok bana dapek kawan untuak baraja basamo. Kok ado yang nio baraja bahaso minang jo Indonesia, ambo namuah jadi kawan baraja pulo.