Youssef ELHIRAR
the Proverbs in Moroccan dialect :

* النهار المبارك عليك واحد يغديك و واحد يعشيك و النهار الصكع عليك واحد يدعيك و واحد يشهد فيك

* التاجر الا طلب لولاد كيجيه غير الريال و المسكين الا طلب الريال كيجيوه لعيال

* المزغوب حتى ليلة عرسو قصيرة

* الرزق قليل و طاحت فيه دبانة

* منديل صفية جيت نمسح فيه مسح فيا

* اللي تطوف ما تغزل الصوف

* انت مير و انا مير شكون يصوك هاد لحمير

* للا مليحة و زادتها ترويحة

* لا مزيانة للمنضر لا خفيفة كتسخر

* انا نشكيلو بالعكر و هو كيقول لي اش خبار الدراري

* حلفات العروسة ما تحب الحماة حتى تبياض الفحمة

* اللي شفتيها بسعدها عرفها كتكمل من عندها

* الدليل فالرجال هو اللي كيعطي الضحك لجار و الهم لدار

*الله يلعن كاس البلار اللي نشرب فيه المرار

* مول الطاحونة و السانية و المرا التانية حتى ليلة ما يباتها هانية

* خايبة و تنوس و لا غزالة و تهوس
* اعمى بن اعمى لي كيشوف الغيام فالسما و كيدير حيكو فالما

* قوت التقرقيب وقلة النقيب
* اللي عندو الزعفران بزاف كيديرو حتى فالبابوش
* عيني فيه و ما قديت عليه

* شي فالحلقوم شي تيقولو قوم
* مشات تيجب القزبر جات حاملة ب سبع الشهر

* المذبوحة كتضحك على المسلوخة .جات مقطوعة الراس قالت الله ينجينا من هاذ الناس

* العقبة ف وجه لحباب حدورة

* كل ما لعبت المعزة فقرون الجبال كتخلصو فدار الدباغ

* الحجلة الخفيفة من سعد الصياد

* فولة ما دير بيصار و فارس ما ينوض غبار

* سيدي حادق و لالا احدق منو ، سيدي احسابو القديد و لالا كتقطع منو

* غرزة زايدة فيا و هم لعرى فايت في

* اللي حب الخدم، لا بد يندم، لا سيفة زينة لا قلب مسلم

* العِيبْ ماشي على من حرث في السطح العيب لي فالموت وكاي يشطح

* انا تنكول لحبيبي وحبيبي تايقول لحبيبو وكلامي فين مامشيت نصيبو

* مَشْتَاقْ السَرْوالْ كُلُ سَاعَة يْحَلُو

* الحنة حرشة و الحناية عمشة و العروسة فيها بو تفتاف

* السوق حامي والدّْلاَّلْ رامي والشاري عْوْرْ

* كال لو آش المعمول يا قاضي فعيشه، كال لو طلقها وانا ناخدها

* كَالُو لَلْحَمْقَة زَغْرْتِي، كَالْتْ لِيهُمْ الدَّارْ ضَيْقَة

* يجي لك يوم ياناكر خيري يوريك زماني من زمان غيري

* الزين بحروفو جيبوه ليا نشوفوا

* ولد ضبع غير ضبع الى سخرتو  يشري لخميرة يشري شمع

* شي فالضحك غرقان اشي فالهم حيران

* اليد اللي طعمتنا الحلال تيكونو ناسها قلال

* هاك ابوه رجليه جابوه

* ما بين اللقمة و الفم تيريد وي<a href="http://www.maktoobblog.com/search?s=%D8%AD%D9%83%D9%85+%D9%88%D8%A7%D9%85%D8%AB%D8%A7%D9%84+%D9%85%D8%BA%D8%B1%D8%A8%D9%8A%D8%A9&button=&gsearch=2&utm_source=related-search-blog-2012-05-23&utm_medium=body-click&utm_campaign=related-search" rel="nofollow" target="_blank">حكم</a>

* الي ما قدرات تكون نجمة فالسما,تكون شمعة فالدار

* اللي اربحتيه تاكله و الدين باش تخلصو ؟

* رضينا بالهم والهم ما رضا بينا درناه عند راسنا صبح عند رجلينا

* حساب الشكارة الربح أو الخسارة

* عمر الشطاح ما كاينسى هزة الكتف.

* البخيل اللهم فرجلو ولا في النعالة

* إلى بغاوك بلا ما تشقى ويلا كرهوك ما تكتر نفقة

* الزين ف الدفلة وعروقها حارين

* الهم هم لحمار .أما القط كيتسارا سبع ديار

* اللبن والزبدة كانو خواتات ما فرقوهم غير لعيالات

* نديرو فالحفرة وما نسمع حسو فدار اخرى

* الباب المحلولة كتدخل الغول و الغولة

* دباز لحباب من العتبة للباب

* الي وصل بلاد غير بلادو خل الهم لولادو

* اللي بغا يدفع البلا يتوضأ للصلا.

* ما تقطع الواد حتى تبان حجارو وما تمشي في الليل حتى يطلع نهارو وما تصحب صديق حتى تعرف خبارو

* انا في همو كندادي وهو فتقلاع وتادي

* كون تصحابها تكتاب, من دق الباب

* اللي ما تيخيط كساتو, يطيب غذاتو, يحلب شاتوموتو خير من حياتو

* وجه الشارفة ما يخفى, ولو تحكو بالحلفة

* اللهم النعاس في البرد ولا ضيافة القرد

* ما تعرف العدو من الصديق غير فالشدة والضيق

* كلها وحالو وأحوال الناس شلا .واحد بغا المعقول وواحد بغا يتفلا

* خيط وفتق .إيوا لعشية شوف آش تنفق

* إيوا هاذي خياطة حمقة.فين المقص فين الحلقة؟

* قولوا الله يهديهم دارو الخير مع الناس ونساو واليدهم

* اللي فالبيضة عر من اللي فقص .واللي فالكرش مضا من المقص

* الخير عقبة والشر حدورة

* الحنة ما زاة فظفارها والخطاب جابو خبارها

* مولات الرجالة كتطمع فالهجالة

* كون ما كانو حوايج العطار ما فالنسا ما تختار.

* كوليني يا موكة حتى الطيور عافوني

* زلقت بيه رجليه طيح الباطل على البلغة

* الرزق لحلال صافي بحال لهلال

* حانوت غالي ولا حانوت خالي

* اللي ما عندو مال ديما وجهو مذبال

* اللي بغا يكبر شانو …………….يحرث مع قرانو

* العين صعيبة تتقتل الكسيبة وتخوي الزريبة

* دابا كلينا وشربنا ……ونسينا الحرابل باش سعينا

* دخانهم عمانا………..وطعامهم ما جانا

* حبوبة ف وجهي حكيتها سال دمها ………خليتها زاد همها

* المرا إلى شافت الشيب بحال النعجة إلى شافت الذيب

May 23, 2012 8:16 AM
Comments · 3

السلام عليكم

معاك حق، ولو اني في عمري ما سمعت السعودية بس أظنها بتختلف تماما عن المغربية

بسي ـ المغربية لكنه غريبة وصعبة شوي،

المثل الاخير بالمغربية ينقال للنساء اللى بتخاف من الكبر والشيب حاجة زي كده، وفي المثل بيوصف الخوف اللى بتحسو لما تشوف الشيب

اسعد الله سنك

May 23, 2012

ايش معنى اخر مثل ><"

هذا وانا اتكلم عربي ما فهمته !

اللهجه المغربيهه تختلف كثثير عن السعوديه صح ؟

May 23, 2012

إوا لما فهم إسولني <img title="Wink" src="http://www.italki.com/Scripts/tinymce/jscripts/tiny_mce/plugins/emotions/img/smiley-wink.gif" alt="Wink" border="0" /> (iwa lli mafhaam isawwalni) ( who doesn't understand something, you can ask me then )

May 23, 2012
Youssef ELHIRAR
Language Skills
Arabic, Arabic (Maghrebi), Arabic (Modern Standard), Chinese (Mandarin), English, French, Japanese, Spanish
Learning Language
Chinese (Mandarin), Japanese, Spanish