Check out our updated Community
لولو
يا قلب لا تـ ح ـزن وقلها [سـ هـ ــالات]....



هناالتقينا بـ / الوله والمسرات
هنا بداية عشق واول طريقه
!


هنا تبادلنا المراسيل
[ نظرات ]
هنا تعانقنا بـ / زحام الخليقه !


ضميته وبيني وبينه مسافات !
ضميته بعيني وجيته عشيقه


جيته بغيته يلم ما ضاع بـ
/ شتات !
جيته وظنيت العلاقه وثيقه !


جيته اغني له [ احبك وابيات ]
وجاني بصدمه غير صدمه عتيقه

المشكله ماهي محبه وصدمات
المشكله هذا الزمن ما اطيقه
!


صدق النوايا صارت بضمن الاموات
والورد ضيَع بـ
/ المحبه رحيقه !


والطيب بالدنيا غدا له محطات
والالماس بعيوني تردَى بريقه
!


والحزن فيني فاق كل المدارات
حتى الوساده تشكي عينٍ غريقه



ياكثر ما اهداني زماني [ سخافات ]
من بنت عم ومن قريب ورفيقه !


واوكل امري للولي رب الآيات
هو عالم بـ
/ ضيق الصدور الغليقه


ياقلب لا تحزن ! وقلها : سهالات !
جاتك من احبابك واوًل صديقه :(


اطيح مجروحه واجامل بـ / ضحكات
والكل يدري بالمشاعر رقيقه


يابنت مجروحه ؟ تعالي سلامات !
من بعد ما فيني الحزن بل ريقه !


أيَة سلامه اللي تجي بعد ضيقات ..؟!
والحزن بالخافق غدا له [ حديقه ] !

هنا تسوق الرجل روحه وجيَات
الذكرى اللي لازمتني شقيقه
!


هنا تسجَل لي بدايه ونهايات
وهنا دفنت جروح فيني عميقه



هنا تبادلنا الغلا بـ / ابتسامات
وهنا كتبت اليوم مليون ضيقه !
Dec 25, 2008 10:17 PM
Comments · 4

MAIA

تسلمين يالغلااا هذا من ذوقك 
لا تحرميني من طلتكِ الحلوه 
نورتي

December 29, 2008
سارونه 
تسلمين يالغلاا هذا من ذوقج 
لا تحرمني من طلتكِ الحلوه 
نورتي
December 29, 2008

قصيدة روعه و فعلا ابداع
مثل ما قالت اختي سارة خليها سهالات

December 29, 2008
غلااااي راق لي ماطرحتي

ومثل ماقلتي خليها سهالات

مبدعه يالولووو

December 28, 2008
لولو
Language Skills
Arabic, English
Learning Language
English