Salam. Sizin yazdığınız qısa sözlər bəzi insanlar tərəfindən məişətdə işlədilən müraciət formalarıdır. Bu sözlər ədəbi Azərbaycan dilində istifadə olunmur. Məsələn: " ala" və " adə" müraciət formaları Bakı kəndlərində məhəllə uşaqları, cavanlar arasında işlədilir. " Ay qız", " a qız" formalarında göründüyü kimi hər hansı bir qıza müraciət olunur. " Az" isə bunların qısaldılmış formasıdır. Yenə də deyirəm bu müraciət formaları hamı tərəfindən istifadə olunmur. Bu sözlər ancaq biri- birini yaxşı tanıyan ( dostlar, rəfiqələr)insanların arasında işlədilə bilər. Bəzən zarafatca da bu sözlərdən istifadə olunur. Şəxsən mən bu sözlərdən " ay qız" sözündən hərdən istifadə edirəm. O da nəyəsə etiraz etdikdə Məsələn: Ay qız, dəli olmusan,sən nə edirsən? Sizin dilinizdə iki rəfiqə danışanda təxminən belə sözlər istifadə edirlər? Ты что? С ума сошла? Что ты делаешь?

Yeni suallar gözləyirik:)