بالعامية الشامية

صار لي تقريبا 8 سنين ما عملت رحلة لبلد عربي وكلما بفكر بهالشي بيخطر على بالي ارجع ع الفور. السبب مو بس المضع المكركب ببعض البلدان العربية, انا يللي بطلت الدراسة وبلشت اهتم بالثقافة الصينية. بالأول افتكرت انو العربي اصعب لغة بالعالم بس هلأ فهمت انو الصيني اصعب بكثير لذالك ما بيحلق لي كمل ادرس عربي. بعدين في امر ثاني هو انو العامية لفت انتباهي لانها لغة حية وملانة عبارات ظريفة وامثال شعبية وحكمة وعرف. هي اللغة المفضلة عندي بس ما في وسيلة بسيطة لتعلمها لانها هي لغة محكية والعرب عادة ما بكتبوها . الكتب بيعلمو اللغة الفصحى وما بيهتم بالعامية. اما إذا الواحد بدو يزور بلد عربي هي العامية يللي بتفيدو اكثر لانو في الشارع ما في الا هي . هي بتسمح بالاتصال المباشر مع الناس. العامية يللي خلاني مبسوط.

سلام 

اول اشي انا كتيير مبسوطة لأن الشاميه تبعك كتيير منيحه بس بركي بدا شوية تزبيط ويمشي حالا

 صار لي تقريبا 8 سنين ما عملت رحلة لبلد عربي وكلما بفكر بهالشي بيخطر على بالي ارجع ع الفور. السبب مو بس الوضع المكركب ببعض البلدان العربية, انا  اصلا بطلت الدراسة وبلشت اهتم بالثقافة الصينية. بالأول افتكرت انو العربي اصعب لغة بالعالم بس هلأ فهمت انو الصيني اصعب بكثير لذالك ما بيحق لي كمل ادرس عربي. بعدين في اشي تاني هو انو العامية لفت انتباهي لانها لغة حية ومليانة عبارات ظريفة وامثال شعبية وحكمة وعرف. وهي اللغة المفضلة عندي بس ما في وسيلة بسيطة لتعلمها لانها هي لغة محكية والعرب عادة ما بيكتبوها .والكتاب بيكتبو كتبهم بالفصحى ومابيهتمو بالعاميه. اما إذا الواحد بدو يزور بلد عربي فبتكون العامية هي يللي بتفيدو اكثر لانو في الشارع ما في الا هي . هي بتسمح بالاتصال المباشر مع الناس. العامية  بتخليني مبسوط.