多彩な 英語 講師陣から検索…
United States flagShadi
بحكي زي الطفل -- شامي ( إذا تعرف كيفية التعبير عن هذه الأفكار بشكل أفضل في أي لهجة أنا مهتم جداً بهذا. أعرف أن هذا النص ليس صحيحاً في الفصحى) .مبارح تعرفت على زلمة إللي عم بيتعلم لغة جديدة وقاللي شي حكيم كتير قال: أنا بقرأ زي الرجل، بكتب زي الصبي وبحكي زي الطفل بعتبر هاي الفكرة كتير مناسبة. درست اللغة العربية بشكل مستمر لمدة سنة ونص، ٨ ساعات كل يوم ما عملت شي إلا العربية ومارست الحكي خلال الأيام. بالنهاية لسعتي بحكي متل الطفل مع إنه بعرف مفردات كتيرة وقوية. يا ترى الحق عليّ؟ ممكن هالشي مستحيل بالنسبة لي؟ كنت مشرّف بتوجيه وتعليم مميز من قبل أساتذتي من أصول لبنان وسوريا والأردن. ساعدوني قد ما قدروا. بس بعدما تخرجت قالولي كان كإنه في شي عقلي عم بيتحديني من الطلاقة وإللي يزيد الطين بلة، شغلتي بيجعلني أتركز على لهجات مختلفة وبشكل عام مهرات الحكي مش مهمة. اللهجات تصير منخلطة ببالي لما بحاول أحكي. مشان هيك مهراتي الحكي عم بتضعف كل يوم، والمناسبات النادرة إللي لازم أحكي حاسس غبي ومنقهر ما بعرف إذا رح أصير أفضل بالحكي أو أستثمر الوقت اللازم لأنجز فيه. معليش، برأي المهم هو إنه أتعلم وأفهم الناس

訂正 · 8

1

Salam Shadi, since you asked for different accents, here's my Jordanian version again :)

The ق in Jordanian accent as you probably already know is pronounced like "g" in the word "English", like: قلّي/ بقدروا/ بعقلي/ قاعد/ مقهور/ ألاقي

 

بَحْكِي زي الطفل -- شامي

( إذا تعرف كيفية التعبير عن هذه الأفكار بشكل أفضل في أي لهجة أنا مهتم جدًا بهذا. أعرف أن هذا النص ليس صحيحًا في الفصحى) 


.امبارح تعرفت على زلمة بتعلّم لغة جديدة وقلّي/ حكالي عن شي فيه حكمة كثير
قال: أنا بقرأ زي الرجل، بكتب زي الولد وبحكي زي الطفل

أنا شايف إنو هاي الفكرة كثير مناسبة. درست اللغة العربية بشكل مستمر لمدة سنة ونص، ٨ ساعات كل يوم ما عملت شي إلا دراسة العربي ودربت حالي على الحكي خلال أيام. بالنهاية لِسّاتني بحكي متل الطفل مع إنه بعرف مفردات كثيرة وقوية/ مهمة. يا ترى الحق علي؟ ممكن هالشي مستحيل بالنسبة إلي؟

تشرّفت بتوجيه وتعليم مميز من قِبَل أساتذتي من أصول لبنانية وسورية وأردنية. ساعدوني قد ما بقدروا. بس بعد ما تخرجت قالولي كان كإنه في شي بعقلي قاعد بتحداني وبمنعني إنه يكون لساني طليق باللغة.

وإللي زاد الطين بلة، شُغلي بيخليني/ بجبرني أركّز على لهجات مختلفة وبشكل عام مهارات الحكي مش مهمة. اللهجات بتصير ملخبطة بعقلي لما بحاول أحكي. عشان هيك مهاراتي بالحكي قاعدة بتضعف يوم عن يوم، وبالمناسبات النادرة إللي لازم أحكي فيها، بحس حالي غبي ومقهور

ما بعرف إذا رح أصير أفضل بالحكي أو ألاقي الوقت الكافي عشان أنجز فيه. معليش، برأيي إنه المهم هو إني أتعلم وأفهم الناس

0
كل لهجه تختلف عن الثانيه واتوقع تعتمد على اي لهجه يعني فيه لهجات صعبه وفي سهله.. بس اللي اشوفه انك تتعلم بشكل رائع ف اتوقع راح يكون سهل عليك انك تتعلم اللهجات وتتقنها مع الوقت.
0
بتحكي منيح جدا و ممتاز، استمر يا معلم، رَح تصير بروفيسور كبير ان شاء الله، اما الفصحى في حالتك فائدتها ضعيفة :)
0
عادي . ممكن انك تركز على لهجة وحدة وبعدها بتصير اساس لتتعلم لهجة تانية . الانكليزي بانكلترا واميركا . او الفرنسي بفرنسا وبلجيكا وكندا. تتعلم كل اللهجات بنفس الوقت عادي تغلط وتضيع
0
مبارح تعرفت ع حدا بتعلم لغة جديدة وحكالي مقولة مفيدة، حكالي إنو أنا بقرأ مثل الرجل وبكتب مثل الصبي وبحكي مثل الطفل. عجبتني المقولة كثير، لأني أنا درست اللغة العربية بشكل مستمر لمدة سنة ونص ، كنت بدرس 8 ساعات في اليوم الواحد بالإضافة إني كنت أمارس اللغة ومع هيك لسّاتني بحكي مثل الطفل الصغير بالرغم إنو عندي حصيلة قوية من المفردات. يا هل ترى الحق عليّ ؟ معقول أقدر أتقن اللغة العربية ؟ حاسس هالشي مستحيل ! تعلّمي للغة كان بإشراف أساتذة مميزين من لبنان وسوريا والأردن، ما قصّرو ساعدوني كثير ولمّا خلصت دراستي حكولي إنو لسّا عندك شي بحدّك من التمكن من اللغة. واللي بزيد الطين بلّة شغلي! بسبب شغلي بعرف لهجات كثير بالإضافة إنو مهارة الحكي مش مهمة فلمّا آجي احكي بتختلط اللهجات ببالي وببطل أعرف شو أحكي، عشان هيك مهارة الحكي عندي سيئة وكل مالها بتتراجع. ولما بضطر أحكي بمناسبة بنقهر كثير وبحس حالي غبي مش عارف وينتا بدي أصير أحكي عربي منيح، بس مرات بحكي مش مشكلة، المهم إني أضل أتعلم ولما أحكي يفهمو عليي الناس. ............................................................................................................................................................... هاي بلهجتني الفلسطينية، نفس الشي بصير معي لما بحكي انجليزي بشعر بالاكتئاب. بالتوفيق

もっと早く上達したいですか?

この学習コミュニティに参加して、無料の練習問題を試してください!

ご自宅で快適に語学を学べるチャンスをお見逃しなく。経験豊富な語学講師陣の中からお選びいただき、今すぐ最初のレッスンにお申し込みください!

今すぐ学習を始める