lisah wangi -- part two Kula boten enget, lisah wangi kula ingkang kaping satunggal niku punapa. Manawi sanes Tommy Girl saking Tommy Hillfiger nggih Charlie White saking Revlon. Inggih, kalih-kalihipun ambetipun boten eco, nanging kala niku kula namung siswa, boten gadhah arta kagem tumbas lisah wangi. Charlie White punika kula tumbas saking rencang kula sampun anggen, dados reginipun saged mirah. Kala ambal warsa ingkang kaping pitung welas, kula dipun paringi Tommy Girl kalih rencang-rencang kula tiyang kalih dasa. Panjenengan boten klentu maos, saestu tiyang kalih dasa, sababipun kala punika rencang-rencang kula inggih namung siswa, sami boten gadhah artanipun. :D (Nyuwun sepuranipun nggih rencang-rencang sadaya, manawi panjenengan maos blog kula, panjenengan sampun maringi nanging kula sanjang ambetipun boten eco...)