هلو... أقترح إذا أنتي لسة كلش مبتدأة وببداية الطريق أنه تتعلمين الأساسيات لوحدج الي هي البين ين (Pinyin) والنغمات..القواعد باللغة الصينية معدومة تقريبا، بس ترتيب الكلمات غريب شوية ويحتاج تتعودين عليه..ولهذا لا تركزين عالقواعد بالبداية بس ركزي عالأساسيات الاثنين الي ذكرتهه..

الأهم تتعلمين أول شي، وقبل كلشي، نطق الحروف مال نظام البين ين (Pinyin) لأنه هذا النظام كلش مهم حتى تعرفين تنطقين أي رمز..الرمز 好 مثلا إله نطق hao3... الثلاثة معناهه النغمة الثالثة.. 吃 بنظام البين ين chi1 ،الواحد معناهه النغمة الأولى والch إلهه نطق خاص غير عن الانجليزي..نطق الحروف كلهه تلكينه بنظام البين ين.. الصينية ما بيهه حروف أبجدية مثل العربي أو الانجليزي، البين ين هو بمثابة الأبجدية تقريبا.

وبعدهه تكدرين تنتقلين للنغمات الأربعة، أفهمي شنو هنا وشلون ينطقون وتعودي عليهم شوية لانه مفهوم النغمات شوية غريب وما موجود بلغات ثانية معروفة...من تتعودين عالبين ين والنغمات تكدرين تبدين تدورين على شريك.

بعد ما تتعودين عالأساسيات هاي بإمكانج تدورين على شريك لأنه ما أعتقد عملية تبدين من الصفر وي الشريك.

أتمنى أكون ساعدتج :)