Njohja e gjuhëve, pjesa e parë A është u mundshme të themi se nëpërmjet njohjes së gjuhëve zhvillohemi si njerëz? A mund ta shohim botën nga kënde të ndryshme, kur mund të komunikojmë jo vetëm në gjuhën tonë amtare? Unë mendoj se po. Jam e sigurt se mënyrat në të cilat mendojmë për jetën dhe për rrethanat në të cilat ndodhemi mund të ndryshojnë kur mësojmë një gjuhë tjetër. Së pari, shpesh kur fillojmë të mësojmë, ne kemi rast të njohim shumë fjala themelore, të cilat përshkruajnë stinët e vitit, festat vendore, metodat e emërtimit të kafshëve, të frutave ose të perimeve. Veç në këtë mënyrë në mund të njohim diçka ndryshe nga vendi në te cilin jetojmë. Mund të shohim çfarë është e rëndësishme për një kulturë tjetër dhe çfarë është e zakonshme. Vetëm nga gjuha ne jemi në gjendje të dimë parimet e jetës ose tradita, të cilat nuk i kemi njohur më parë. Kjo nuk është e vërtetë vetëm për gjuhë shumë të ndryshme, por edhe për këto që janë të afërta. Sepse çdo gjuhë mund të përshkruajë jetën në një tjetër mënyrë. Përveç kësaj, kur mësojmë një gjuhë tjetër, më shpejt ose më vonë, do të kërkojmë këngë, libra, lajme në një gjuhë të caktuar dhe do të mësojmë më shumë për njerëz, të cilët janë folësit e kësaj gjuhe. Ne do të hyjmë në një botë tjetër të interpretimeve të jetës dhe ngjarjet për të cilët kemi mendime të përcaktuara (ose jo^^). Një gjë tjetër, dhe në çfarë unë besoj, është se kur do të kemi rast të flasim në një gjuhë të një kombi/grupi, në do të jemi në gjendje ta shohim dhe ta vlerësojmë më mirë se më herët. Unë mendoj se shpesh njerëzit mendojnë për grupe të tjera duke u mbështetur vetëm me stereotipa. Nuk e dinë asnjë gjë për këtë grup, nuk kanë kërkuar asnjë informacion të vërtet, por janë të sigurt se e njohin dhe mund të flasin për të. Nuk dua të them se vetëm nëpërmjet njohjes së gjuhës se këtij grupi do të jemi në gjendje ta njohim, por jam e sigurt se njohja e këtij grupit do të bëhet më e lehtë se pa njohjes së gjuhës.