خطّط أبيات الشّعر و تذكّرني
و كيفما بغيت أذكرني حتّى في الغزل صوّرني
خطّط أبيات أشعارك
حاول تصوّر صورتي بمنظارك
لك وقت ما عزفت عليّا أوتارك
و بحر القوافي ما بغى يغمرني
أخاف الزّمن شوش عليك أفكارك
و الشّعر ودّع و القصيد غدرني
أخاف الزّمن شوشلك
صورة غلاء في خاطرك همّشها
و بيك خانه ما عاود الشّعر نقشها
تناسيتني و البال ما ذكرني
و اصفي خلايا الذّاكره فتّشها
تلقاش صوره بشكلها تصوّرني

الشّاعر يردّ:
في البال كنتي ذكرى
و كنت القصيده و القلم و الفكره
و كنت لذايذ خمرتي و السّكره
و بلا بيك مرّ الكاس ما يسكّرني
معاك عشت قصّة عشق فايت حكره
و لولاك بيت الشّعر ما عاشرني
لولاك ما خطّيتها أبيات شعر في وصفك زمان رويتها
و دمعات مرّه مالعيون بكيتها
و آهات كانت قادره تفجرّني
الأمّ و الحبيبه و الأخت فيك بنيتها
و حن حضن دافي في الحياه كبّرني

https://youtu.be/1Fd3BtfsCvg