其實粵語流行曲係八十年代個陣風靡中、港、台。雖然近年黎粵語流行曲嘅市場比較一蹶不振，但係對於後生一輩黎講仍然有一定嘅影響力。我甚至聽過有唔少外國人係因為粵語流行曲嘅關係而去學粵語。唔知大家又點睇粵語流行曲呢? 有冇心水可以同其他人分享下呢?

如果係講緊近年嘅流行曲，陳奕迅一定係當中嘅佼佼者。咁多年黎都唱左唔少大熱作品，由《shall we talk》至到最近嘅《苦瓜》都係佳作。

陳奕迅近年嘅作品:
一絲不掛 - http://www.youtube.com/watch?v=t0EG6pSwcBk
陀飛輪    - http://www.youtube.com/watch?v=URUIcYDq3_I
六月飛霜 - http://www.youtube.com/watch?v=gSoIZa_ZP9w

除左陳奕迅之外當然仲有好多好出色嘅歌手，好似容祖兒、楊千嬅、何韻詩等等。
比較新一輩嘅都有王苑之、張敬軒。

如果有心想學好粵語嘅話，其實不妨試下係歌詞到學下同埋感受下個意境。因為粵語流行曲有唔少啲歌詞都寫得好好，特別係由林夕同黃偉文所寫嘅詞，真係拍案叫絕。