Slang, informal and little tips to sound more like a native speaker. 

Send me a message to learn with me.
https://www.italki.com/en/teacher/13365914

Everyday English with Teacher Alyse

He is a master of satire and a writer who can turn diary entries into poignantly crafted stories. While his stories might make readers laugh, he often ends with a deep, memorable moment.

Three by Sedaris ( Adult 18+ )

Short Stories by David Sedaris **Content is suitable for Adults** Listen and follow along as I read short stories from Squirrel Seeks Chipmunk. 


Squirrel Seeks Chipmunk ( Adult 18+) 

Join me with Captain Seasalt and his curious band of pirates as they explore the 26 Islands of the alphabet. 
Send me a message for free flashcards to follow along: 
www.italki.com/en/teacher/13365914

Captain Sesalt & The ABC Pirates

This is a thought-provoking book dealing with family, sacrifice, teamwork, and leading kids to think about their feelings on animal testing, written by Award-winning author Robert C. O'Brien. 

Mrs. Frisby and the Rats of NIMH 

The Adventures of Captain Underpants” is a popular children's book written by  Dav Pilkey. 

The Adventures of Captain Underpants

粤读时光，看见生命中嘅光。

前几日我喺得到睇到一个爸爸嘅分享，
佢讲咗自己点样帮自己个女克服一个人训教嘅恐惧。

佢个女细个嗰时都系同爸爸妈妈一齐训嘅，
后来，佢个女大个小小，
佢哋就帮佢个女布置咗一个佢中意嘅房，
有好多公仔，
不过佢训到半夜，
仲系会一醒就过去揾妈妈。

后来，佢觉得呢个唔系办法， 
于是就同佢个女倾下，
佢个女话佢醒咗之后就训唔着，
但系同妈妈或者嫲嫲一齐嗰时，
就可以训着。

跟住佢就分享咗自己细个嗰时嘅方法，
佢同佢个女话，
我细个训唔着嗰时，
就会将张被拱起身，
好似一个山洞咁，
跟住自己同自己讲鲁滨逊嘅古仔，
谂吓鲁滨逊探险嗰时撞到咗乜嘢，
跟住要点样做。

佢建议佢个女用呢个方法，
自己作一个古仔，
氹自己训教。

不过一开始，佢做唔到，
半夜仲系会喺门口喊。

跟住佢就用第二个方法，
鼓励佢，
佢同个女讲，
你宜家已经迈出咗第一步，
你可以自己训着，
而且醒咗之后都冇即可揾妈妈，
而系尝试自己克服不安，
失败咗先去揾妈妈。

下面我哋要再迈一小步，
睇下可唔可以醒咗之后，
自己咪埋眼，
一个人再训着。

其实嗰时佢个女好难过，
因为佢夜晚发咗一个梦，
梦入面有一只好似成年人咁大嘅狗，
佢惊自己一个人训嗰时又会见到呢只大狗。

跟住我就用哈利波特入面，
卢平教授教哈利克服自己惊嘅嘢嘅方法，
令呢个恐怖嘅嘢变得好笑。

跟住我哋就开始想象佢见到嘅嗰只狗，
有一个红色嘅鼻，
带一顶搞笑嘅帽，
着住鲜艳嘅衫，
跟住佢个女觉得呢只狗变成咗一个吉祥物，
佢甚至有啲中意呢只狗。
就咁样，
佢就开心咁同意咗再迈出一步。

后来过咗半个月，
佢哋终于解决佢个女唔敢一个人训教嘅问题啦。

教育小朋友真系一件好需要耐心嘅事，
有时候小朋友会惊，
呢个时候父母唔应该闹佢哋，
或者取笑佢哋，
而系应该耐心咁帮佢克服内心嘅恐惧，
成年人其实都有惊嘅嘢，
更何况系得几岁大嘅小朋友呢。

俾多啲耐心、帮助同引导佢哋，
小朋友肯定可以克服成长路上嘅困难嘅。

粤读时光，看见生命中嘅光。 

 Advanced Cantonese listening material

How to help your child to overcome the fear of sleeping alone? 

粤读时光，看见生活中嘅光。

前几日我喺得到听到一篇好好嘅文章，
所以同你分享一下。

呢篇文章系关于创业嘅，
不过我觉得无论你对创业有冇兴趣，
呢篇文章都好有启发性，
下面我会用广东话复述呢篇文章。 

如果你想创业，
咁就要了解一个不成文嘅创业标准，
就系1000个粉丝。
意思系一个新产品只有积累咗1000个用户，
先算系站稳咗脚跟。 

点解系1000个粉丝呢？
呢个理论其实系嚟自凯文凯利嘅《技术元素》。
凯文凯利系一个好犀利嘅人，
佢喺另一本书《失控》入面预言过网络时代嘅到嚟，
乔布斯亦都曾经喺斯坦福大学嘅演讲入面提及过佢，
乔布斯话佢嘅佢嘅杂志《连线》系佢嗰个时代嘅圣经。

讲翻转头哈，
点解系1000个粉丝呢？
呢个理论系凯文凯利提出嚟嘅，
理论系，
如果你有1000个优质粉丝，
假设每个粉丝每年喺你身上消费100美金，
咁你每年就有10万美金嘅收益，
一般就足够活落去。

呢个1000个粉丝嘅标准，
我喺Youtube都睇到咗，
YouTube会将自己嘅广告收益分俾上传视频嘅人，
但系要求频道要有至少1000个粉丝。
所以1000个粉丝就系获得收益嘅标准。

到底用乜嘢方法先可以拉到 1000个用户呢？
呢篇文章总结咗三个方法，
第一个方法系：
揾啱地方捞鱼。
意思系你要揾到目标用户聚集嘅地方。
创业公司首先要搞清楚边度先系目标用户聚集嘅地方，
跟住去拉用户。

国外有一个交友软件叫Tinder，
同国内嘅陌陌差唔多。
佢啱啱创立嗰时，
选择咗去大学校园揾用户，
点解要去大学？
因为大学单身嘅人多，
而且佢哋都系拍拖嘅年纪。
Tinder喺大学校园非常受欢迎，
好快就获得咗一大批嘅用户。

打车软件Lyft都系揾啱咗地方，
所以获得咗一大批用户。
佢哋去边度稳用户？
创业公司所在地。
Lyft揾咗创业公司嘅地址，
跟住叫员工免费送雪糕俾佢哋，
再顺便发咗Lyft嘅打车优惠码俾佢哋。
后来呢啲食咗雪糕嘅员工就称为咗Lyft嘅第一批用户。

除咗线下，
都有啲创业公司喺线上揾到咗第一批用户，
好似Netflix，
Netflix请咗一个学生，
扮成电影发烧友，
潜入咗电影论坛，
佢先通站长、版主、活跃用户搞好关系，
跟住在随住时间推移，
揾机会唔经意咁提起有一个叫Netflix嘅新网站，
跟住就帮Netflix拉咗一大班高质量嘅用户。

下面再讲吓第二个快速积累用户嘅方法，
加心理杠杆。
乜嘢叫心理杠杆？
就系利用心理因素，
对用户施加影响。
最常用嘅心理杠杆系“朋友推荐”。
好似Pinterest同Quara啱啱成立嗰时，
都用咗呢个方法。


第三个方法就系借用影响力。
意思系揾大V或者名人帮你宣传。

我觉得呢个方法好有效，
亦都系常见嘅方法。
宜家如果你睇公众号，
你都可以睇到公众号之间嘅互相推荐，
其实呢个方法几好，
可以互相积累粉丝。

我呢个公众号仲好细，
如果有大V觉得唔错，
想帮我宣传一下，
我肯定会好感激你。

除咗揾大V同名人之外，
仲有一种方法，
就系跟紧新闻事件。
写同新闻热点相关嘅文章，
因为同热点相关嘅文章比较容易俾人睇到，
所以如果你有订阅公众号，
你就会发现有好多人都会跟热点写文章，
呢个系快速积累用户嘅好方法。

以上就系快速积累前1000个用户嘅方法啦。

粤读时光，看见生命中嘅光。

How to get your first 1000 users? 

粤读时光，看见生命中嘅光。 

我今日听咗李克勤嘅《红日》，
觉得打满咗鸡血，
所以想帮你都打吓鸡血。

呢个歌其实系李克勤写俾自己嘅，
佢想帮自己打气。 

李克勤写呢首歌嘅歌词嗰时，
因为拍戏好几日都冇好好休息，
但系因为好赶，
所以佢当日凌晨三点拍完戏，
就喺停车场写歌词。
从凌晨三点一直写到天光。

佢睇住其他艺人落班，
跟住又睇住啲艺人朝早翻黎翻工，
佢心入面觉得好难受，
自己嘅拍档已经翻咗屋企，
而自己仲要匿埋喺呢度写歌词，
点解命运要咁样对佢。

《红日》嘅歌词入面有一句话系命运颠沛流离，
讲嘅其实就系李克勤当时嘅状态。
但系李克勤知道自己一定要坚持落去，
唔可以随便放弃，
所以佢就喺歌入面写咗不应舍弃。

无论宜家情况几咁唔好，
你都千其唔好放弃，
要继续努力，
加油，
困难终有一日会克服，
你都会得到你想要嘅嘢。

下面嚟读下《红日》嘅歌词啦。

命运就算颠沛流离
命运就算曲折离奇


命运就算恐吓着你做人没趣味
别流泪心酸更不应舍弃
我愿能一生永远陪伴你


一生之中兜兜转转那会看清楚
彷徨时我也试过独坐一角像是没协助
在某年那幼小的我
跌倒过几多几多落泪在雨夜滂沱
一生之中弯弯曲曲我也要走过
从何时有你有你伴我给我热烈地拍和
像红日之火燃点真的我
结伴行千山也定能踏过
让晚风轻轻吹过
伴送着清幽花香像是在祝福你我
让晚星轻轻闪过
闪出你每个希冀如浪花快要沾湿我
命运就算颠沛流离
命运就算曲折离奇
命运就算恐吓着你做人没趣味
别流泪心酸更不应舍弃
我愿能一生永远陪伴你

粤读时光，看见生命中嘅光。 


最后打个小广告，微信小程序“小草粤语”更新咗新嘅版本啦，
呢个小程序非常适合零基础的同学使用，扫描文中的二维码，或者在微信搜索“小草粤语”就可以找到我的小程序啦。

先讲到呢度，我哋下次再见，拜拜！


Learn a cantonese song : the red sun

粤读时光，看见生命中嘅光。

Hello，我最近睇到咗两个与人相处嘅技巧，
想分享俾你。

我想同你分享嘅第一个技巧系，
点样加人哋嘅微信呢？
加微信有两个方法，
叫人哋扫你嘅二维码，
或者你扫人哋嘅二维码。

呢两种方法有乜野唔同呢？
如果你叫人哋扫你嘅二维码，
你就要打开自己嘅二维码，
对方加咗之后，
你仲要gam6 一吓同意，
而对方只系需要扫一扫。

但系如果你扫人哋嘅二维码，
咁人哋就要打开二维码，
仲要同意你嘅申请。

边种方法好啲？ 
如果你系一个为他人着想嘅人，
加人嗰时应该叫人哋扫你嘅二维码。

点解？
如果你扫咗对方，
对方只系需要做一个动作。
而且如果你扫咗对方嘅二维码，
但系对方一下唔记得咗通过你，
咁就麻烦啦，
你哋嘅交流就会中断。

其实叫人哋扫自己，
系一种为他人着想嘅思维方式。

第二个技巧系关于点样约人哋，
如果你咁样问人哋，
你听日下昼三点得唔得闲啊？
人哋可能唔知应该点样答你，
因为佢唔知你嘅意图系乜嘢。

而更好嘅方法系咁样问，
我想开一个会讨论一下产品嘅改进方法，
打算听日下昼三点开会，
唔会你到时得唔得闲参加一下呢？

用呢种方式会令对方觉得更加舒服。
因为你照顾咗佢嘅感受，
将佢心入面嘅疑虑打消咗。

以前成日听到与人相处最高嘅艺术就系舒服，
细个嗰时冇乜嘢感觉，
但是越大就越觉得与人相处舒服好重要。
人生不过短短三万几日，
其实一般人都想同令自己觉得舒服嘅人相处。 

粤读时光，看见生命中嘅光。


最后打个小广告，微信小程序“小草粤语”更新咗新嘅版本啦，
呢个小程序非常适合零基础的同学使用，扫描文中的二维码，或者在微信搜索“小草粤语”就可以找到我的小程序啦。

先讲到呢度，我哋下次再见，拜拜！

How to get well along with people

粤读时光，看见生命中嘅光。

最近我睇到一篇有趣嘅粤语文章，
读起身琅琅上口，
我觉得好有意思，
所以想分享俾你。

牛耕田, 马食谷, 老窦揾钱仔享福; 
象行田, 马行日, 过河卒仔无退缩; 
兵杀敌, 将闪缩, 功成身退享俸禄; 
男善变, 女易哭, 贫贱夫妻难和睦; 
流水清, 死水浊, 人望高处无满足; 
冰易化, 钱难蓄, 巧妇难煲无米粥; 
水维生, 土长木, 光合作用叶变绿;
赌易学, 书难读, 赌仔何曾买大屋?
命注定, 运难卜, 三衰六旺好难捉; 
仙洒脱, 凡人俗, 犯规和尚食狗肉; 
阳寿尽, 落阴谷, 生老病死乃定局。
趁宜家，仲能郁，快乐享受要知足，
咪再成日困在屋，儿孙自有儿孙福。

呢段话真系几有道理㗎，
呢段话我最中意嘅一句话系，
趁宜家，仲能郁，快乐享受要知足，
人应该学识及时行乐，
而且应该学识知足，
知足系一种对健康生活特别有益嘅感觉，
知足并唔系叫人放弃努力，
而且学识欣赏自己已经拥有嘅一切，
学识看见拥有嘅嘢嘅珍贵性。

粤读时光，看见生活中嘅光。