اليوم عِنْدِي رِحْلِة السَاعَة سِتِّة المَغْرِب من بَيرُوت لَإسطَنْبُول. حَجَزْت التَذْكِرَة قَبِل يَومَين مْشَان هَيك كَانِت كْتِير غَاليِة. عَلَى كُلٍّ, لازم أَكُون بِالمَطَار قَبِل سَاعْتَين, بس أنا بْحِب أَرُوح قَبِل تْلاتِة سَاعَات لأنو الوَاحِد مَا بْيَعْرِف شو مُمْكِن يْصِير. أَخُوي رَح يِجِي لَهَون لَمَّا يخَلِّص شِغِل مْشَان يْوَصِّلْنِي للمَطَار بْسَيَّارْتُو. هالمَرَّة حَجَزْت الكِرْسِي جَنب الشُبَّاك مُو مِتل المَرَّة المَاضْيِة كَان بِالنُص. بس والله خَايِف يْحَكُّونِي مْشَان الوَزْن, لأنو عِنْدِي تلاتة كِيلُو زْيَادِة بِالشَنْطَة. بس رَح آخُد مَعِي مَصَارِي زْيَادِة مْشَان إِذَا حَكُّونِي إِنُو لَازِم إِدْفَعْ مْشَان الوَزن.