Nunha piscina, como se chaman as faixas lonxitudinais separadas por boias Creo que esta é a primeira pregunta que se formula na miña lingua no foro :). Adoito escoitar, para describir as faixas que dividen a piscina lonxitudinalmente, o castelanismo "calles", o cal é evidentemente un erro. Mais consultando algúns dicionarios, nomeadamente o dicionario da RAG (2012), no consigo atopar o termo que describe ditas faixas. Sei que en portugués se chaman "raias", e acho que non sería unha mala solución adoptar ese termo. Se hai algún galegofalante no foro, ou algún coñecedor da nosa lingua que poida opinar, será benvido. Aproveito a ocasión para dar a coñecer aos outros membros da comunidade de italki a nosa fermosa lingua, o galego.